كل واحد فينا , بيكتب ليقول يلي بحس فيه و يلي عم يدور براسه
يمكن لحتا يشارك الناس بهمومه و أفراحه
يمكن لأنه الكتابة هي وسيلة للتعبير
وقت ما بتلاقي حدا يسمعك أو يفهمك كتير منيح
مهما كان السبب , و مهما كان الشخص يلي عم يكتب
فأي كلام راح ينقال راح يعبر عن جزء من شخصيته
و يمكن نكون مجرد كلام على صفحة ويب
ما بنعرف شي عن بعض و لا بنعرف ظروف بعض
بس بنقدر نتواصل مع بعض لما بكون الكلام صادق
و طالع من القلب , وانا اليوم مبسوطة كتير كتير
و الكلام عم ينكتب لحاله , أحيانا كتيرة قلمي بيوقف
\بسكرب \ شو يعني , يعني باللهجة السرية بيوقف
بيتعطل شوي
يمكن الانسان بمر بكتير اوقات ما بلاقي أشيا يحكيها
وقتها بكون الصمت أبلغ من الكلام , و بكون اله معنى كبير
غريب التطور يلي عم يصير بهاي الدنيا
صحيح صارت الدنيا أشبه بقرية صغيرة
فهل يا ترى الكلمة بتخدع أحيانا ؟
3 comments:
يارب تفضلى مبسوطة عالطول
أما فى حكاية خدعة الكلمات ديه حاجة
فترجع لينا
لما يكون الكلام نابع من القلب ومن اعماق احساسنا حتى لو كان مو مفهوم بس بكون بعبر عنا وعن الي بافكارنا والمهم انة تصل الرسالة وكلامك ما شاء الله بجد نابع من قلبك واحساسك ومن طيبة قلبك الله يوفقك
على حسب اللى بيلعب بالكلمات ....او على حسب طبيعية الكلمات ايه
ويارب تكونى مبسوطة دايما :)
Post a Comment