Saturday 21 May 2011

الكلمة

الكلمة حد سيف قاطع

فلا تجرح بها حبيبا  .........و لا تؤذي بها صديقا

و لا تؤلم بها أما أو أبا  .........و لا تهدم بها لأحد  حلما

أو طموحا  أو تقلل بها من شأن أحد

ستي يا ستي

كانت ستي دايما تدعي و تقول : الله يآمنا بأوطانا

كنا صغار ما نفهم هالدعوة كتير

بس لما كبرنا  عرفنا و هلق  فهمنا كتير  كتير منيح معنى هالكلام البسيط 

اليوم تزكرت وجه ماما  البريء  الحزين البسيط  الراضي

الوطن هو  وجه أم  ما بينتسى 

ما بتقدر تجرحه بكلمة  او تضايقه بهمسة 

ما بتقدر الا أنك تشوفه  بأحسن حال

و ما بترضى الا أنك تشوفه جميل

الله يآمنا بأوطانا 

Wednesday 4 May 2011

بلادي

ان  سألتني عن بلادي  أجيب  :

انها  واحات عطر الياسمين  و ازقة منحوتة من تعب الناس البسطاء الطيبين

انها اسطورة و حضارات نفضت عنها غبار السنين

سماء تحلق فيها نوارسا البحر  و جبال تشمخ عاليا

تحاكي النجوم  و تقرأ  لنا قصص  البطولة و المناضلين

لا تسألني عن بلادي فهي  في عيوني نور  و نار

ثلج و تراب معطر و شقيق نعمان أحمر قان

و اشجار زيتون و عريش عنب  تصلي  و تسجد

و اخضرار اوراق غار

لا تسألني عن بلادي  فهي في قلبي حب أبدي 

و احفورة  و آثار

هي تدمر الصحراء و  اوغاريت اللاذقية  و بصري شام

هي انشودة طفولتي و عبث طيشي و ذكريات حبي

هي وجه حبيب ما كان ليغيب عن مخيلتي

هي وردة جورية اعشقها

هي صلاة نهاري و نجوا طول ليلي

آه  و آه  من نار تأكلني 

و خوف في محراب الشوارع يذبحني

و دم ينسكب يؤلمني

لا أدري هل سنشرب مرارة كأس الأيام ؟


الفوضى شي مرعب كتير  و عدم الامان شي صعب

الخوف شعور مؤلم كتير  ,الخوف من الحرب , من الدمار , من الفوضى

من ؟؟؟؟؟؟؟؟؟؟؟؟؟
من الغرق بدوامة  او طريق ما حدا بيعرف نهايته ؟
ربنا يحمي هالبلاد  كل العرب مو بس سوريا